“ऑफिसमध्ये सगळं काही ठीक आहे ना?” – आई
” हो. का? ” – मी
” नाही, सहजंच. काही झालंय का ऑफिसमध्ये? म्हणून जॉब सोडलास का? ” – आई
” नाही गं. उलट सर थांबण्यासाठी सॅलरी वाढवण्याबद्दल पण विचारत होते. ” – मी
” मग बाकी काही? रूममेट्स बरोबर काही खटका उडालाय का? असं काही असेल तर तू एकटी फ्लॅट घेऊन राहिलीस तरी चालेल. ” – आई
” तुला आनंद नाही झालाय का, मी आलेय तर? ” – मी
” मी मूळ कारण विचारतेय. ” – आई ( जरा रागाऊनच बोलली )
” माझा मूळ स्वभाव माहित नाहीये का तुला? आणि रूममेट्स बरोबर भांडण व्हायला भक्ती, अश्विनीला ओळखत नाहीस का तू? माझ्यापेक्षा तुझा त्यांच्यावर जास्त विश्वास आहे ना. त्यांना खूप वाईट वाटलं माहितेय, मी त्यांना सोडून इथे आले. त्यामुळे असा विचार कधीच करू नकोस की आमच्यात काही वादावादी झालेयत. ” – मी
” मग काही मानसिक दडपण? ” – आई
” हे देवा ” – डोक्याला हात लावत मी आईकडे बघत होते.
गंमतीतच तिला म्हटलं,
” तू माझं लग्न करून देत नाहीयेस यापेक्षा आणखी कोणतं मानसिक दडपण असणार. आता तर सहाएक महिन्यांतून एखादा पांढरा केसही सापडतो. कोणाला सांगू माझं हे दुखं? ”
उत्तराच्या अपेक्षेत जशा सगळ्या आया तीव्र कटाक्ष टाकतात, तसाच तिनेही टाकला,
” बरं ऐक, मला एकसुरीपणाचा कंटाळा येतो. चाळीस वर्ष एकाच ठिकाणी राहून एकच काम करण्यात, एकच पदार्थ खाण्यात, त्याच त्याच रस्त्यांवर चालण्यात मला काही विशेष आवड नाहीये . उद्या चाळीस वर्ष उलटल्यानंतर मला असं नाही म्हणायचंय, अरे चाळीस वर्ष कुठे सरली कळलंच नाही. ” – मी
” हे सगळे नखरे लग्न होईपर्यंत. नंतर सगळे बरोबर गुंतून जातात. ” – आई
” अजिबात नाही. माझ्यासारखाच एखादा वेडा भेटला तरंच लग्न करेन, नाहीतर मी माझ्या आयुष्यात खूप खुश आहे. ” – मी
माझं हे भाषण आईला कितपत कळलं, समजलं, पटलं आणि झेपलं होतं माहित नाही. कारण त्यानंतर ती फक्त एकंच वाक्य म्हणाली,
” चल चहा बनवते तुझ्यासाठी. ”
ई-मेल करून तीन – चार दिवस झाले होते. अजून कोणाचं काहीच उत्तर आलं नव्हतं. ” वाचला असेल ना मेल त्यांनी? ” मी स्वतःलाच विचारात होते. त्यांना फोन करून मीच सांगू का, तुम्हाला ई-मेल केलाय तो वाचा म्हणून. कसं वाटेल ते? स्वप्न्याला फोन केला तर तो फ्रुस्ट्रेटेड इन्सान सगळ्यात पाहिलं म्हणेल, ” तुला काही कामं नाहीयेत. तुला काय तिथे बसून मेल लिहायला. ” आणि अशा पद्धतीने म्हणेल जसं की आम्हाला फुकटचं खिरापत वाटतात तसा पगार देतात.
तेवढयात फोन वाजयला लागला.
” शंभर वर्ष आयुष्य आहे तुला. आता तुलाच फोन करणार होते. ” – मी
” ते सगळं ठीक आहे पण काय गं, ई-मेल लिहायच्या आधी दोन बाटल्या घेऊन बसलेलीस का? ” – स्वप्न्या
” केलास फोन केल्या केल्या अपमान. नशीब मी स्वतःहून फोन नाही केला. ” – मी
” अपमान?? तरी नशीब दोनच बाटल्या म्हणालो. चल सांग हा आता पटकन. ” – स्वप्न्या
” तुला काही गांभीर्य आहे का नाही? ई-मेल मध्ये लिहिलेला टॉपिक सिरीयस आहे आणि मी त्याबद्दल. ” – मी
” तू पुण्यात परत आलीस? ” – स्वप्न्या
” हो. त्यात काय इतकं? ” – मी
” येडीएस का तू? फिरायला जायला जॉब सोडून यायची काय गरज होती? ” – स्वप्न्या
” तू येडा आहेस. मी काय कायमचं पुण्यात नाही आलेय. तुम्हाला सगळ्यांना प्रॉब्लेम काय आहे, मी पुण्यात आलेय तर? जा तू तुझ्या कंपनीत कारकुनीच कर. बधीर झालयस त्याच्याने. मी काय बोलतेय कळतंच नाहीये तुला. ” – मी
” बास का! इतका पण अपमान केला नव्हता मी तुझा. ” – स्वप्न्या
” बरं, चल मग आता, तू येतोयस हे नक्की आहे ना! ” – मी
“ए थांब बाई. घरी फादरला पटवावं लागेल आधी. कोण कोण येणारे? आपण दोघंच जायचंय का? बोअर होईल अरे. अजून बाकी कोणाचा फोन आला का नाही? ” – स्वप्न्या
” किती रडतोस यार. बाकीच्यांना तयार करते मी. तू तुझ्या फादरला तयार कर आणि कोणाचाही फोन आला तर सांगायचं तू येतोयस माझ्यासोबत. ” – मी
” घरी काय सांगू, कुठे जातोय? इतके दिवस ट्रेकिंगला कोणीही सोडणार नाही. ” – स्वप्न्या
” बरं सांग मग महाराष्ट्र फिरायला जातोय. ” – मी
” अरे यार, तू मला मारवणार आहेस. ” – स्वप्न्या
” तसंही फार चांगलं जगत नाहीयेस. ठेव आता आणि जा, तुला तर दोघा दोघांची परवानगी घ्यायचीये. बाय. ” – मी
” चल बाय. ” – स्वप्न्या
” बोक्या काय, हे खरं आहे का? ” – रुजू
” काय? ” – मी
” हेच,ट्रिपचं? ” – रुजू
” हो मग काय, स्वप्न्या पण येतोय. चल ना, खूप वर्षांनी सगळे एकत्र असू. ” – मी
” बोक्या वेडी आहेस का तू? प्लॅनिंग काय, जायचं कुठे? राहायचं कुठे? आणि घरी काय सांगू कुठे जातोय? ” – रुजू
” ऐक, स्वप्न्याच्या घरी सांगणारे महाराष्ट्र फिरायला जातोय. तू पण तेच सांग. एखाद दोन ट्रेकिंग असतील. राहायची सोय हॉटेल्स मध्ये असेल. ” – मी
” माहितेय ना, घरी यावं लागेल तुला. ” – रुजू
” कधी येऊ बोल? मी पुण्यातच आहे. ” – मी
” कधी आलीस? बरं मी घरी आधी वातावरण निर्मिती करते, मग तुला सांगते यायला. ” – रुजू
” चालेल. स्वप्न्याला पण घेऊन येऊ का? ” – मी
” बोक्या, प्लॅन कॅन्सल करायचंय का? एकतर मुलं आहेत हेच त्यांना नीट समजावून सांगावं लागणारे. ” – रुजू
” हम्म्म्म, घरचे अजुनपण एकाच गोष्टीवर प्रवचन देतात का? ” – मी
” मी घरी थांबतंच नाही. आजकाल तर मुलं बघायचं नवीन फॅड डोक्यात घेतलंय. बरंय आपण जातोय, माझ्या डोक्याला शांती. ” – रुजू
” ऐक ना, विड शी बोलशील? ” – मी
” कॉन्फरेन्स करूयात रात्री. मी तुम्हाला दोघांना घेते कॉन्फरन्स मध्ये, मग बोलू. फट्टू आणि नेहाचं काय? ” – रुजू
” त्यांना कसं पटवायचं हे मला खूप चांगलं माहितेय. नेहाला तर इतकंच सांगायचं सगळे तयार आहेत ट्रीपला, आम्ही निघतोय. दुसऱ्याच दिवशी बॅग घेऊन माझ्या घरी येईल ती. ” – मी
” बरं चल, मला सांग त्या दोघांचं कसं होतंय. रात्री बोलू, मला आता लेक्चर घ्यायला जायचंय. ” – रुजू
” नक्कीच. बोलू रात्री. बाय ” – मी
” बाय. ” – रुजू
” हेलो ” – मी
” अरे बोक्या, कैसी हैं? ” – नेहा
” मैं ठीक हूँ. तू बता? ” – मी
” तेरा मेल पढ़ा. सचमे ऐसा कुछ प्लान कर रही है क्या? ” – नेहा
” हाँ यार, इसीलिये तो तुझे कॉल किया। सब लोग रेडी हैं आने के लिए. तू आ रही हैं ना? ” मी
“ये भी कोई पूछने वाली बात हैं? ऑफकोर्स। कहा कहा जाना हैं? वैसे मैं शॉपिंग कर लू.” – नेहा
” देख, कुछ भी नहीं लिया तूने तो भी चलेगा बस एक बॅकपॅक और एक अच्छे शूज लेना। ” – मी
” अरे देख़ मैं क्या क्या लेके आती. हाये, शॉपिंग जाना हैं. ” – नेहा
” मेरी माँ, तेरी बॅग तुझेही पकड़नी हैं. तो अपनी साईज़ और हाइट के हिसाब से लेना, जो भी ले रही. ” – मी
” ए सुन ना, तू आएगी क्या? मुझे मदद हो जाएगी और तुझे कुछ लेना होगा तो तेरा भी हो जाएगा। ” – नेहा
” उम्म्म… चालेल. येते मी. रविवारी जाऊया. ” – मी
” संडे को ना? ” – नेहा
” हा रे, संडे को ही. ” – मी
आता फक्त विड आणि फट्टू बाकी आहेत. या दोघांना कसं समजवायचं? यांचं तर नेहा सारखं पण नाही आहे, सगळे हो म्हटले कि लगेच सुटायचं. विडच्या घरचे… आणि फट्टू कोणाशी स्पर्धा करतोय काय माहिती? या दोघांचाही नकार आला तर बाकीचेही डळमळीत होतील. विडशी रुजूबरोबर बोलता येईल. फट्टूशी आपणच बोलूयात. तसं फट्टूला समजावणं सोपं आहे आणि विडला घरातून पळवणं.
रुजूला फोन केला, विडशी बोलण्याची ही योग्य वेळ आहे.
” हॅलो ” – रुजू
” हॅलो, होल्ड कर, विडला कॉन्फरेन्समध्ये घेते. ” – मी
” हॅलो ” – विड
” हॅलो, कसा आहेस? ” – मी
” यार, वर्कशॉप वर आहे. कसा असणार? पळून जावसं वाटतंय इथून. ” – विड
“मग मी पळवते तुला, पण त्याआधी रुजू दुसऱ्या लाईनवर आहे, तिलापण कनेक्ट करते. ” – मी
” हॅलो, बोक्या s s … ” – रुजू
” हा रुजू बोल, विडपण लाईनवर आहे. ” – मी
” विड, कसा आहेस? ” – रुजू
” वर्कशॉप वर आहे. ” – विड
” ओ ओ … समजलं कसा आहेस ते. ” – रुजू
“विड, मेल वाचलास? ” – मी
” हो, पण काही फायदा नाहीये. माझ्यात घरी विचारण्याची हिम्मत नाहीये आणि मला माहितेय, मी विचारलं, ते नाही म्हणाले तर माझ्यावर नजर ठेऊन राहतील, मी कुठे जातो, कुठे नाही यावर” – विड
” एकदा समजावून तर बघ. तू काय आता लहान आहेस का? कॉलेजपर्यंत ठीक होतं. आता काय अरे? काय बरोबर, काय चुकीचं इतकं कळण्याइतपत आपण नक्कीच मोठे झालो आहोत. ” – रुजू
” स्वप्न्या, रुजू, नेहा, मी नक्की आहोत. ” – मी
” बोक्या ??…. ” – रुजू
” अरे रुजू, फक्त तुझ्या घरी जाऊन सांगायचंय, जायचं तर नक्की आहेच ना !! ” – मी
” विड तुझ्याकडे दोनच पर्याय आहेत. घरी सांग नाहीतर घरी सांगू नकोस. ” – मी
” तसं असेल तर मी घरी सांगणारंच नाही. ” – विड
” म्हणजे तू येतोयस ? ” – रुजू
” तुम्ही सगळे जाताय म्हटल्यावर प्रश्न आहे का हा! पण जायचंय कुठे? ” – विड
” ते आपण जायच्या आधी एकदा ठरवू भेटून. ” – मी
” विड पण घरी निदान लेटर लिहून ठेव जेणेकरून त्यांना असं नाही वाटणार की तुला कोणीतरी उचलून घेऊन गेलंय. ” – रुजू
” हो मग काय! कॉलेजच्या आयडिया पुन्हा वापरायला तर पाहिजे. मला थोडी शॉपिंग करावी लागेल. ” – विड
” मी आणि नेहापण ठरवतोय जायचं. ” – मी
” ए तिच्याबरोबर मी नाही येणार. हिल्स घालून येईल आणि सामान माझ्या गळ्यात देईल. ” – विड
आम्ही सगळे हसायला लागतो.
” अरे मी आधीच वॉर्निंग दिलीये तिला. ” – मी
” सगळे एकत्रच जाऊयात ना, पण त्या आधी माझ्या घरी. ” – रुजू
“फट्टूचं काय झालं? आमचं बरेच दिवस बोलणंच नाही झालंय. ” – विड
” त्याच्याशी बोलणं नाही झालंय अजून. बघू काय म्हणतोय. ” – मी
” टाईम हैं की नहीं तेरे पास? ” – मी
” अरे डार्लिंग, बोल ना! तेरे लिये तो हमेशा ही टाईम हैं. सुन २ मिनिट रुक, फोन करता वापस। ” – फट्टू
” बोल ना डार्लिंग, आज कैसे अचानक याद आ गयी। ” – फट्टू
“तुला तर येत नाही. बिझिनेसच्या कामांमध्ये इतका काय बिझी असतोस? ” – मी
” तुमाला काय सांगू किती बिझी असतो ते. ” – फट्टू
” मेल वाचला? ” – मी
” हा पढ़ा मैंने। सॉरी अरे, मला नको जमणार यायला . शायद मिटिंग्स होंगे दो – तीन। ” – फट्टू
” तुला काय माहित आम्ही कधी जाणार आहोत ते. फट्टू, आपली सगळी गॅंग यायला तयार आहे. सुट्टीवरून परत येऊन नव्या जोमाने कामाला लाग ना. ” – मी
” आता मी स्पर्धेत उतरलोय. त्यांच्या पुढे जायला अजून बराच वेळ लागेल. ” – फट्टू
” पुन्हा असा क्षण कधी येईल माहित नाही, जेव्हा आपण सगळे एकत्र फिरायला जाऊ. आणि आपल्याला आता संधी मिळतेय, चल ना. ” – मी
” तुमी जावा ना सगले. अगली बार पक्का आता। ” – फट्टू
” अगली बार वगैरे असं काही नसतं यार. ” – मी
“नहीं आ सकता यार सचमे। ” – फटटू
” आम्ही तुझी वाट बघतोय निघेपर्यंत. ” – मी
( to be continued…)